تعالا على نفسك شوية واسال عليا
وإن كنت زعلتك في حاجة إنساها ليا
متغيبش يوم عني ... متشيلش يوم مني
فهمني غلطي وقلي بس عملت ايه
تعالا شوف بعنيك في بعدك ايه بيجرى
بموت بدال المرة في اليوم الف مرة
حاسة إني مش عايشة ... وبجد ليك وحشة
أيامي وانتة بعيد أعيشها لمين وليه .....
كلمني أسمعلك ... إندهلي ارجعلك
تجرحني مش خايفة... ده انا خايفة على زعلك
لو خدتني بذنبي.... وتقسى على قلبي
ديه قسوتك أحن من بعدك عليه
بهرب أنا من الناس وأخبي دموعي فيا
مش عايزة حد يشوفني يتصعب عليا
الوقت أهو بيجري... إرجع عشان خاطري
واللي غلطت فيه.... ياريت تسامحني فيه
